Einn laugardag sátu nokkrir félagar saman í Kópavogi og horfðu á knattspyrnuleik. Kergja og rifrildi umluktu íbúðina og var hiti í mönnum, en þó allt í góðu. Fóru menn að velta því fyrir sér hvernig væri hægt að hafa skoðanaskipti oftar, og þá jafnvel þannig að félagar um allt land gætu tekið virkan þátt. Þá kom upp sú snilldar hugmynd að byrja með bloggsíðu og sagði einn félaganna: "Síðan getum við bara allir bloggað og rifist eins og við viljum!" Ekki er vitað til þess að hópur hafi áður verið saman með einu og sömu bloggsíðuna og ruddum við því brautina fyrir aðra s.s. kallarnir.is o.fl.

Nadið fór vel af stað. Skemmtileg skrif voru rituð og komu blogg og skoðanir úr öllum áttum. Síðan gerðist það að virknin fór dvínandi, þó svo að vinsældir síðunnar væru að aukast. Þá var tekið upp á því að nota síðuna í víðara samhengi og fóru menn að boða fótboltaæfingar og skrá meldingar á þær. Gafst það vel og hefur KfHof lifað góðu lífi í rúmt ár.

Með þessum brennandi fótboltaáhuga hafa önnur skrif allt að því horfið. Reynt hefur verið að lífga upp á þær og er mér minnistætt blogg eins nadara um Davíð Oddsson. Eftir fótboltaáhuga nadara og velunnara þeirra skrifaði einn nadari sem búsettur er austur á fjörðum eitthvað á þessa leið: Þessi síða er bara orðinn einhver helvítis fótboltasíða! Og var þetta laukrétt hjá honum.

Nú er spurningin, þar sem fótboltafélagið KfHof hefur stofnað sína síðu, hvort vettvangur þessarar sé fyrir bý. Eða er þetta upphafið af einhverju stórkostlegu?

Fyrir þá sem eru búnir að gleyma lykilorðinu og notendanafninu að þá er notendanafnið bitur og lykilorðið er nafnið á einum úr okkar heimabæ.

Ég hef allavega haft mjög gaman af þeim málefnalegu umræðum sem hér hafa farið fram og var einn þeirra sem var orðinn svolítið leiður á því að þessi síða var orðinn fótboltakladdi, þó það sé vissulega stórsniðugt og hafi reynst vel til síns brúks.

Eða eitthvað ..

Ég skora allavega á Sævar að koma með eitthvað blogg hérna fyrir helgi bjöss

Daníel Geir